Turski borbeni avioni nadlijetali su danas u više navrata grčka ostrva Onazis i Kastelorizo bez podnošenja plana leta, saopštio je grčki generalštab.
Dva turska borbena aviona su na visini od oko 7.600 metara nadlijetali ostrvce Onazis u dva navrata, prenijela je agencija ANA.
Njih su presreli grčki borbeni avioni.
Takođe, dva turska borbena aviona nadlijetala su u dva navrata jutros i ostrvo Kastelorizo, na visini od 1.200 metara i 7.600 metara kao i ostrvce Ro, nadomak maloazijske obale Turske.
Ranije je načelnik Generalštaba grčke vojske Evangelos Apostolakis upozorio Tursku da će Grčka odlučno odgovoriti u slučaju “eskalacije turskih provokacija”, prenosi MIA.
