Trener Mančester Sitija Pep Gvardiola izjavio je da njegova ekipa mora biti oprezna u revanšu osmine finala Lige šampiona protiv Šalkea na Etihadu.
Podsjetimo, u prvom meču u Gelsenkirhenu bilo je 3:2 za ekipu Sitija.
Uprkos pobjedi iz prve utakmice, Guardiola revanš uopšte ne vidi samo kao formalnost te stoga svoje igrače poziva na oprez.
“Utakmicu u utorak moramo shvatiti kao finale. Mi smo tinejdžeri u Ligi šampiona i plasmanom u četvrtfinale napravili bi veliki uspjeh. Ali moramo biti oprezni, a to smo vidjeli i u prvom meču. Šalke je zaista opasna ekipa”, rekao je Gvardiola.
“Ne smijemo dozvoliti da nam se dogodi sudbina Reala ili PSG-a”, dodao je Gvardiola.
Utakmica Mančester Siti-Šalke na programu je u utorak u 21 sat.
